影片
更多
2024-06-29
784 浏览
几年前去过北角呢间老妈拌面，都无咁差，今晚去简直大开眼界。呢间嘢系好大一个直升机场「伏伏伏伏伏」。两个人去，坐低就例牌QR CODE落单，搞一大轮，居然send唔到出去，唯有叫侍应帮手，佢话可能个系统出问题。咁算啦，佢都帮我地落。我地点咗个半筋半肉牛肉面同香麻猪手肉燥饭，各加廿八蚊变餐有嘢饮同甜品。精彩喇，碗面唔讲佢，普普通通咁，但我个猪手饭，嚟到得三小旧，严重发育唔健全咁！仲有个所谓跟餐甜品雪糕，居然系牛奶公司细杯装！哗！我顶佢个掣，驶唔驶食水咁深啊？我唔系食唔起贵嘢，但啲嘢同你个餐牌令食客嘅期望，出入好大啰！总之一句，食完成个餐连𠮶杯雪糕系唔饱嘅，够胆死一个咁嘅餐收104。顶！仲要加一！自己落单要收加一，系统唔得浪费时间，未食完又想执走人地啲嘢！个场人又唔够，叫人叫极都无，服务费俾咗，有咩服务啊？如果斋传菜、埋单要收服务费，咁驶唔驶我自己入厨房煮埋啊？俾啲咁嘅嘢同服务俾客，超伏！
两个人去，坐低就例牌QR CODE落单，搞一大轮，居然send唔到出去，唯有叫侍应帮手，佢话可能个系统出问题。咁算啦，佢都帮我地落。
我地点咗个半筋半肉牛肉面同香麻猪手肉燥饭，各加廿八蚊变餐有嘢饮同甜品。
精彩喇，碗面唔讲佢，普普通通咁，但我个猪手饭，嚟到得三小旧，严重发育唔健全咁！仲有个所谓跟餐甜品雪糕，居然系牛奶公司细杯装！
哗！我顶佢个掣，驶唔驶食水咁深啊？我唔系食唔起贵嘢，但啲嘢同你个餐牌令食客嘅期望，出入好大啰！
总之一句，食完成个餐连𠮶杯雪糕系唔饱嘅，够胆死一个咁嘅餐收104。顶！仲要加一！
自己落单要收加一，系统唔得浪费时间，未食完又想执走人地啲嘢！个场人又唔够，叫人叫极都无，服务费俾咗，有咩服务啊？如果斋传菜、埋单要收服务费，咁驶唔驶我自己入厨房煮埋啊？俾啲咁嘅嘢同服务俾客，超伏！
香麻猪手肉燥饭
$104
34 浏览
0 赞好
0 留言
跟餐甜品
38 浏览
0 赞好
0 留言
46 浏览
0 赞好
0 留言
张贴
