火山燒 (已結業)

一班朋友终于约齐脚食饭，大家都喺港岛返工所以就拣左喺铜锣湾食饭。谂左好耐都谂唔到食乜好，但大家都系食肉兽上OpenRice睇下有乜放题，见火山烧呢间评价唔错所以就上去试试。一入到去环境非常唔错，好有日本风味。再睇下张放题纸有成7张咁多，火锅海鲜刺生烧肉样样有，就知今晚一定会好饱。不过净系有数量冇用嘅，质量先系最重要。话明系食肉兽，紧系试哂咁多款烧肉啦。点知果然冇令到我地失望，肉嘅颜色好靓好新鲜好有肉味，我自己就最推介肉舌同牛肩肉。肉舌肥而不腻，牛肩肉味最浓。呢两个我地都唔知encore左几多转。最好嘅系食烧肉咁热气俾一定价钱啤酒可以refill下下火。虽然佢地主打烧肉，但海鲜𠮶啲都合格以上，绝对唔系出面放题𠮶啲cheap野。食得肉多转下口味都好。