屏山老地方

营业中

休息中

难得朋友揸车嚟新界，就揾一揾新界有咩特色嘢食。竟然比我揾到屏山好出名嘅肉饼专门店。一睇个Menu就知道点解咁出名，因为佢所买嘅肉饼系意料之外嘅配搭。有北京填鸭风味肉饼等等唔同中国菜式风味嘅肉饼。最最最特别系榴梿芝士肉饼、芒果肉饼，水果入馔唔出奇，但呢两款水果配肉饼又真系想像唔到。入到嚟谂住小事牛刀，食另一个热门— 松露牛肝菌芝士肉饼，可惜已经卖晒。结果我选择咗六重芝士肉饼。肉饼同芝士都分量十足。面头煎香过有嘅芝士，朋友一开始仲以为系煎蛋。煎香左嘅芝士好脆口，好似食紧芝士薄脆。跟住两块肉饼中间又有芝士。难怪系六重。肉饼本身松软，多汁，整肉饼来讲都算几好。而朋友就叫咗个忌廉芝士肉饼。芝士味一定冇咁突出，反而多咗啲香草嘅味。加香草呢点都值得自己整肉饼时候用黎借镜。