影片
更多
2022-05-13
834 浏览
近年红磡一带好多餐厅都转哂，多左好多唔同类型嘅咖啡店、特色小店，今次介绍嘅小店就系一间主打养生汤底嘅特色米线店，餐牌有多至十几款汤底俾大家选择，以新鲜食材熬制，有养生嘅花胶鸡、滋补嘅黄酒鸡、鲜味嘅龙虾帆立贝等等。午市去仲有Lunch套餐，包左一款面或饭+一款小食+一杯饮品(免加一)，计落比较抵食，但就有指定左几款面或饭。🍜星加坡胡椒猪肚鸡米线 $98★★★☆☆胡椒味比我想像中淡同唔够香，有少少失望。有白胡椒味但唔突出，汤底入口唔呛喉辣口，唔食辣嘅人都食到。个人觉得配米线一齐食唔太够味，有点美中不足。猪肚干净冇咩肥膏、怪味，软腍但仲保持到一定嘅口感。鸡件卖相好大件，份量十足，鸡皮色泽几好，肉质食落滑身唔鞋，唔会干净净，鸡皮爽滑Q弹，但食落冇咩鸡味。 🍜虫草花胶鸡汤米线 $98★★★★☆汤入面有虫草花、花胶及杞子，加埋大大旧鸡件，足料丰富。汤底偏向清淡少少，温和得黎带少少清甜，应该同落左虫草花、杞子有关。汤底仲要少少鸡油，味道纯厚。花胶几厚身同大旧，偏向深啡色，冇腥味，口感爽口，但唔算胶质重，预期之中嘅味道。成个面一路食一路饮埋个汤都唔会有太大负担，养生嘅感觉，米线质感正常，冇话太淋或者太
近年红磡一带好多餐厅都转哂，多左好多唔同类型嘅咖啡店、特色小店，今次介绍嘅小店就系一间主打养生汤底嘅特色米线店，餐牌有多至十几款汤底俾大家选择，以新鲜食材熬制，有养生嘅花胶鸡、滋补嘅黄酒鸡、鲜味嘅龙虾帆立贝等等。午市去仲有Lunch套餐，包左一款面或饭+一款小食+一杯饮品(免加一)，计落比较抵食，但就有指定左几款面或饭。
星加坡胡椒猪肚鸡米线
$98
30 浏览
0 赞好
0 留言
★★★☆☆
胡椒味比我想像中淡同唔够香，有少少失望。有白胡椒味但唔突出，汤底入口唔呛喉辣口，唔食辣嘅人都食到。个人觉得配米线一齐食唔太够味，有点美中不足。猪肚干净冇咩肥膏、怪味，软腍但仲保持到一定嘅口感。鸡件卖相好大件，份量十足，鸡皮色泽几好，肉质食落滑身唔鞋，唔会干净净，鸡皮爽滑Q弹，但食落冇咩鸡味。
虫草花胶鸡汤米线
$98
34 浏览
0 赞好
0 留言
虫草花胶鸡汤米线
$98
82 浏览
0 赞好
0 留言
★★★★☆
汤入面有虫草花、花胶及杞子，加埋大大旧鸡件，足料丰富。汤底偏向清淡少少，温和得黎带少少清甜，应该同落左虫草花、杞子有关。汤底仲要少少鸡油，味道纯厚。花胶几厚身同大旧，偏向深啡色，冇腥味，口感爽口，但唔算胶质重，预期之中嘅味道。成个面一路食一路饮埋个汤都唔会有太大负担，养生嘅感觉，米线质感正常，冇话太淋或者太硬。
新鲜沙姜鸡拼鸡杂饭
$98
34 浏览
0 赞好
0 留言
★★★★☆
沙姜鸡个沙姜酱汁同鸡系分开另上嘅，鸡件同其他汤底嘅相同，但同样好食，而且个酱汁配落鸡件几好，咸香又浓鲜姜味道。鸡杂分别有鸡肾同鸡润，似用左鸡汤煮过，唔点酱汁都唔会觉得寡、淡某某，仲带阵阵鸡味。而且洗得够干净冇腥味，鸡肾食落脆口但又唔会咬唔郁，而鸡润亦脆嫩唔粉，平时唔食鸡润嘅我都接受到。而配送嘅椰子汤好纯厚，好香浓椰子同鸡香味，入口个汤有厚度，带层椰子油同鸡油系面，细细碗啱啱好，唔会太腻。
桂花蜜糖鸡翼
52 浏览
0 赞好
0 留言
🍜套餐小食 【原味脆鱼皮 / 麻辣鸭血(半份) / 桂花蜜糖鸡翼(3只)】★★★★☆
鱼皮香脆唔会淋，冇油益味，咸咸地浸落汤到一齐食几正。麻辣鸭血都有4-5块，麻辣味唔算好特出，即使唔算食到辣嘅都可以接受到。鸭血冇腥味，唔会太淋带有口感，入面软滑。鸡翼即炸够热，外脆但唔会炸到干哂，带有肉汁。鸡翼外层有啲桂花蜜糖汁包裹住，蜜糖嘅甜味之中桂花味好突出，清香又唔会腻口，好味！以套餐配嘅小食黎讲3款都出色，份量唔算少，味道唔错，抵食！
滋补黄酒鱼头鲜鸡汤米线
$98
121 浏览
0 赞好
0 留言
滋补黄酒鱼头鲜鸡汤米线
$98
73 浏览
0 赞好
0 留言
★★★★☆
汤底有有龙眼肉、红枣、鸡件、黄酒，鸡汤，成个汤充斥住浓浓药材同酒香，但反而饮唔出有鱼头嘅鲜味。鸡件同其他汤底唔同，切得会更加细件但依然嫩滑，食落带阵阵药材香，同其他米线嘅鸡件有截然不同风味。成个面滋补得黎又清甜，配埋米线一流。如果冬天食真系食完成个人都暖笠笠！推介！
🍜油醋海蜇花 $58★★★★☆
海蜇见得多，但海蜇花就第一次食，口感好爽脆，冇任何怪味！海蜇花比海蜇有质感更有咬口，但冇海蜇头咁滑口。油醋汁几开胃，有麻油香味加少少辣椒嘅微辣，唔食辣都食到！成个感觉几新鲜！
🍜土豆丝 $58★★★☆☆
土豆丝切得够幼细，食落仲系好爽脆，好有口感。味道带微酸微辣咁，几开胃。份量都唔算细，但普通左啲，味道上同出面食嘅差唔多，冇特别惊艳。
🌟总括：午市套餐好抵食！整体所有食物质素都几高，几欣赏个滋补黄酒鱼头鲜鸡汤。所有汤底饮落都似住家汤，即使差唔多饮哂成碗汤都唔觉口渴，冇味精。论汤底，比起好多市面上指无味精但食完劲口渴嘅好！但价钱点都会比一般普遍米线贵，未必会经常帮亲。餐牌仲有齐重口味或者较清淡嘅选择，值得大家一试，自己经过亦会Encore！
张贴
