影片
更多
2022-06-02
320 浏览
好味指数😋😋😋回头指数 ⭐️⭐️⭐️开心指数🤗🤗🤗呢段时间大家都好热切咁去玩「布甸控」排队游戏，见嚟开长沙湾，就去睇吓呢间又系好多人讲嘅人气人龙店八卦吓先，佢最出名嘅系布甸蛋挞。上网睇足资料做功课，睇到好多人都闹呢间店嘅安排比较混乱，排唔啱队要重新再排，我本身已经谂过如果人龙太长就唔会玩㗎啦，不过咁啱见得4-5个人排我就入去睇吓蛋糕先，因为都有人写过佢嘅拿破仑蛋糕好正！问清楚店员，知道先排队俾钱，再去排攞蛋挞队。🍴布甸蛋挞（$12）劲好彩，啱啱前面嘅人攞完晒上一盘蛋挞，就出新一批，劲热辣辣，因为我仲买其他件装蛋糕，所以只买一个，佢就用纸袋装俾我，但我同时要 handle 埋小蛋糕盒系有D 摎挍。蛋挞都几大个又厚身，表面有少少焦㶶，切开见到厚厚布甸，曲奇皮香脆，好香牛油味，布甸好滑，奶味蛋味浓郁，仲有少少焦香味，的确系好好味！🍴士多啤梨拿破仑（$34）网上有人写拿破仑好食，就梗系试吓！因为我一俾完钱就去排蛋挞，我由得店员帮我包好蛋糕，冇特别话拣要边件。不过打开盒时见到拿破仑上面嘅士多啤梨就特别唔开胃，尤其同时见到另一件蛋糕上面嘅士多啤梨，有比较就更显眼😅拿破仑嘅三层饼底系okay 松化嘅，不过
回头指数 ⭐️⭐️⭐️
开心指数🤗🤗🤗
呢段时间大家都好热切咁去玩「布甸控」排队游戏，见嚟开长沙湾，就去睇吓呢间又系好多人讲嘅人气人龙店八卦吓先，佢最出名嘅系布甸蛋挞。
上网睇足资料做功课，睇到好多人都闹呢间店嘅安排比较混乱，排唔啱队要重新再排，我本身已经谂过如果人龙太长就唔会玩㗎啦，不过咁啱见得4-5个人排我就入去睇吓蛋糕先，因为都有人写过佢嘅拿破仑蛋糕好正！问清楚店员，知道先排队俾钱，再去排攞蛋挞队。
🍴布甸蛋挞（$12）
劲好彩，啱啱前面嘅人攞完晒上一盘蛋挞，就出新一批，劲热辣辣，因为我仲买其他件装蛋糕，所以只买一个，佢就用纸袋装俾我，但我同时要 handle 埋小蛋糕盒系有D 摎挍。蛋挞都几大个又厚身，表面有少少焦㶶，切开见到厚厚布甸，曲奇皮香脆，好香牛油味，布甸好滑，奶味蛋味浓郁，仲有少少焦香味，的确系好好味！
布甸蛋挞
$12
83 浏览
0 赞好
0 留言
🍴士多啤梨拿破仑（$34）
网上有人写拿破仑好食，就梗系试吓！因为我一俾完钱就去排蛋挞，我由得店员帮我包好蛋糕，冇特别话拣要边件。不过打开盒时见到拿破仑上面嘅士多啤梨就特别唔开胃，尤其同时见到另一件蛋糕上面嘅士多啤梨，有比较就更显眼😅
拿破仑嘅三层饼底系okay 松化嘅，不过饼系比较薄身，松化程度唔算太高，中间只有忌廉冇吉士，系好似差咗少少嘢咁，忌廉唧得比较高身，显得3层饼底特别单薄，好似比例上怪怪哋咁！唔觉得好好味，但又唔算太差。
士多啤梨拿破仑
$34
27 浏览
0 赞好
0 留言
🍴黑森林蛋糕（$34）
呢个相比之下比较好食，或者可能系同个拿破仑比较吧！朱古力蛋糕够湿润轻盈，不过就冇咩车厘子味嘅，中间嘅忌廉加黑加仑子啫喱比例上唔错。
黑森林蛋糕
$34
17 浏览
0 赞好
0 留言
整体上布甸蛋挞系最好味，不过都系𠮶句，如果要我排20分钟或以上的话就唔太值得，今次由俾钱到攞蛋挞大概用咗8分钟，都算系可以值得试吓！
张贴
