影片
更多
2023-07-29
2225 浏览
炮台山站附近嘅<四宝食堂>系一间好受欢迎，人气高企嘅茶餐厅，成日都要排队，今晚好好彩，等咗十分钟就可以入座，仲要安排到坐得舒服嘅卡位，今晚当然要食番餐饱嘅！～晚餐叫咗<胡椒清汤牛拼盘>，套餐附送养生炖汤，只需加$28，仲有升级前菜，同埋饮品一杯，真系超级抵食！～今晚嘅养生炖汤系<排骨粟米舞茸汤>，呢个汤真系用料十足，成个炖汤盅入面放满咗材料，而且呢个汤入口非常清甜好味。叫咗半只<拔道腩水门鸡>，上枱嘅时候真系畀佢吓咗一跳，因为真系好大碟，分量超级足，水门鸡已经去晒所有骨，入口啖啖肉，而且鸡嘅肉质非常鲜嫩，附送嘅酱汁微辣惹味。前菜叫咗<蒜泥白肉黑毛猪>，黑毛猪嘅份量都好多，而且个人非常钟意佢嘅蒜香酱油味道，又浓又香口。主角<胡椒清汤牛拼盘>出场，呢个𩠌真系非常足料，有牛肉丸、牛腩、牛脷、仲配有好多嘅白萝卜。呢个牛腩嘅清汤底非常清甜，而且牛肉嘅味道非常香浓，无论牛脷、牛腩同埋牛丸都非常之好食。<拔丝山楂汁菠萝咕噜西班牙黑豚肉>呢个咕噜肉绝对系五星级嘅质素，餐厅用咗优质嘅西班牙黑豚
晚餐叫咗<胡椒清汤牛拼盘>，套餐附送养生炖汤，只需加$28，仲有升级前菜，同埋饮品一杯，真系超级抵食！～
今晚嘅养生炖汤系<排骨粟米舞茸汤>，呢个汤真系用料十足，成个炖汤盅入面放满咗材料，而且呢个汤入口非常清甜好味。
叫咗半只<拔道腩水门鸡>，上枱嘅时候真系畀佢吓咗一跳，因为真系好大碟，分量超级足，水门鸡已经去晒所有骨，入口啖啖肉，而且鸡嘅肉质非常鲜嫩，附送嘅酱汁微辣惹味。
前菜叫咗<蒜泥白肉黑毛猪>，黑毛猪嘅份量都好多，而且个人非常钟意佢嘅蒜香酱油味道，又浓又香口。
主角<胡椒清汤牛拼盘>出场，呢个𩠌真系非常足料，有牛肉丸、牛腩、牛脷、仲配有好多嘅白萝卜。呢个牛腩嘅清汤底非常清甜，而且牛肉嘅味道非常香浓，无论牛脷、牛腩同埋牛丸都非常之好食。
<拔丝山楂汁菠萝咕噜西班牙黑豚肉>
呢个咕噜肉绝对系五星级嘅质素，餐厅用咗优质嘅西班牙黑豚肉来做材料，咕噜肉即叫即做，炸起来入口外皮特别香脆，咬落去肉质松软，味道酸酸甜甜，而且仲好juicy，特别开胃!!~
最后叫咗碟<瑞士汁炒牛河>，镬气超足，酱油味香浓，而且仲有好多牛肉，非常好食!!~
整体来讲，餐厅嘅食物质素非常之高，冇谂过茶餐厅都可以做到咁完美嘅小菜，下次有机会一定会再来!!~
张贴
