Sodam Chicken (已結業)

$168可以食到炸鸡+焗鸡+Pizza放题，确实好吸引，见到𠮶餐牌，有6款炸鸡同5款焗鸡选择，外加两款黄金咸蛋炸同焗鸡，真系心动样样都想试，不过为了不浪费食物，今次拣几款最钟意嘅小试一吓，下次再嚟试其他。炸鸡 + Pizza 放题📌柠檬柚子炸鸡📌香草青柠炸鸡📌黄金咸蛋炸鸡炸鸡本身皮脆肉嫩多汁，品质高，绝对唔系只有炸皮冇鸡肉，系真系食紧鸡。以上三款卖呈鲜黄色，卖相吸引，摆盘亦不错。味道方面，柠檬柚子酸酸甜甜，又有条条柚子，味道丰富又有咬口，吸引。香草青柠味道虽然普通，但青柠味香，同炸鸡好夹。黄金咸蛋咁邪恶嘅味道，小编觉得系必食，餐厅将咸蛋味道做得极好味。📌蜜糖蒜香焗鸡蒜香味好似同炸唔系好夹，但同焗就好夹，蒜香味极浓，加上蜜糖，相当惹味。📌热带风情薄饼薄饼系6吋，唔会系𠮶啲一见到大大块见到就已经饱，份量好体贴刚好，饼身好脆但唔厚，芝士份量足够可以拉丝，味道亦冇失准。📌芝麻菠菜唯一少少失望系这碟小食，普通了一点。