影片
更多
2024-01-19
18 浏览
七点都未够已经好full，好彩book咗位，入去坐吧枱同朋友吹水都好chill🥳入到去就叫咗份海鲜沙律($108)同几款招牌炸串，沙律入边有油甘鱼吞拿鱼粒粒，都几新鲜！炸串试咗秋葵虾串($44)、鸡肉蛋猪肉卷($38)同鸡柳紫苏($50)。大推炸鸡肉蛋猪肉卷，系炸溏心蛋出边再包住免治鸡肉同一层薄薄嘅猪肉卷，再加埋舖头自家调制嘅炸串汁酸酸地好好食！朋友话一定要点牛肠锅($320)就试吓，我哋叫咗柠檬盐味，店员都好贴心提我哋滚起咗牛肠同明太子渌30秒至1分钟就可以食得。牛肠偏肥同几有𡁻口，我就麻麻不过朋友就好钟意，但系隔离嘅韭菜芽菜同椰菜索晒啲汤汁就好好食！呢度比较特别嘅仲有铁盒蒸生蚝($240)，店员会拎出嚟俾我哋睇咗同影相先去蒸，每一只都好大只饱满，而且蚝味浓郁，仲会配埋辣汁同柠檬汁俾我哋点嚟食，更加鲜味。
七点都未够已经好full，好彩book咗位，入去坐吧枱同朋友吹水都好chill🥳
入到去就叫咗份海鲜沙律($108)同几款招牌炸串，沙律入边有油甘鱼吞拿鱼粒粒，都几新鲜！
炸串试咗秋葵虾串($44)、鸡肉蛋猪肉卷($38)同鸡柳紫苏($50)。
大推炸鸡肉蛋猪肉卷，系炸溏心蛋出边再包住免治鸡肉同一层薄薄嘅猪肉卷，再加埋舖头自家调制嘅炸串汁酸酸地好好食！
朋友话一定要点牛肠锅($320)就试吓，我哋叫咗柠檬盐味，店员都好贴心提我哋滚起咗牛肠同明太子渌30秒至1分钟就可以食得。
牛肠偏肥同几有𡁻口，我就麻麻不过朋友就好钟意，但系隔离嘅韭菜芽菜同椰菜索晒啲汤汁就好好食！
呢度比较特别嘅仲有铁盒蒸生蚝($240)，店员会拎出嚟俾我哋睇咗同影相先去蒸，每一只都好大只饱满，而且蚝味浓郁，仲会配埋辣汁同柠檬汁俾我哋点嚟食，更加鲜味。
张贴
