影片
更多
2023-12-13
383 浏览
平时小编谂唔到食咩嘅话，饺子都系一个常设之选！好食嘅饺子最紧要就系皮薄馅靓够足料，不过有汤饺、蒸饺、煎饺、炸饺，你又钟意食边款？【拣饮．简食记】小编就嚟到位于太子嘅呢间「甜记饺子」，相信系饺子控嘅你对呢个名应该唔感到陌生… 由长沙湾起家，开到旺角同埋太子都有分店。太子呢间分店仲更加颠覆咗饺子舖既有嘅形象添！ 讲紧嘅就系佢嘅装修－唔同一般饺子店通常都系茶仔细台、白色瓷砖咁款，太子分店用上工业风嘅水泥墙、木台木櫈，即刻成个感觉文青咗好多！除咗招牌嘅饺子之外，呢间分店仲有啤酒供应，饺子啤一啤，果然够哂特别！不过近排唔少人话佢哋退步咗唔少，系真唔系呢？汤饺 （粟米芝士鸡肉饺／白菜猪肉饺）汤饺可以拣配鸡汤或者蕃茄薯仔汤，今次小编就拣咗清清啖啖嘅鸡汤。饮落清甜唔错！两款饺饺皮都算薄，薄得嚟又唔会一夹就爆。个馅好足料，成只睇落都涨卜卜咁，食落「白菜猪肉饺」入面啲猪肉都仲好juicy，菜肉比例都刚刚好，都算几清新唔肥腻！ 「粟米芝士饺」个芝士都几香，咬落都仲有拉丝效果。入面嘅鸡肉打到免治咁款，食落鸡味唔算浓，小编就觉得呢个combination用嚟做煎饺应该好味好多！煎饺（菜心猪肉饺／韭黄鸡肉饺）相对
由长沙湾起家，开到旺角同埋太子都有分店。太子呢间分店仲更加颠覆咗饺子舖既有嘅形象添！ 讲紧嘅就系佢嘅装修－唔同一般饺子店通常都系茶仔细台、白色瓷砖咁款，太子分店用上工业风嘅水泥墙、木台木櫈，即刻成个感觉文青咗好多！
除咗招牌嘅饺子之外，呢间分店仲有啤酒供应，饺子啤一啤，果然够哂特别！不过近排唔少人话佢哋退步咗唔少，系真唔系呢？
汤饺 （粟米芝士鸡肉饺／白菜猪肉饺）
汤饺可以拣配鸡汤或者蕃茄薯仔汤，今次小编就拣咗清清啖啖嘅鸡汤。饮落清甜唔错！两款饺饺皮都算薄，薄得嚟又唔会一夹就爆。
个馅好足料，成只睇落都涨卜卜咁，食落「白菜猪肉饺」入面啲猪肉都仲好juicy，菜肉比例都刚刚好，都算几清新唔肥腻！
「粟米芝士饺」个芝士都几香，咬落都仲有拉丝效果。入面嘅鸡肉打到免治咁款，食落鸡味唔算浓，小编就觉得呢个combination用嚟做煎饺应该好味好多！
煎饺（菜心猪肉饺／韭黄鸡肉饺）
相对嚟讲，小编就钟意煎饺多啲，原因系佢都煎得块皮金黄色，食落卜卜脆！
「菜心猪肉饺」系个几少见嘅配搭，菜心都几嫩，唔会话食落有渣，猪肉煎完反而仲香！
「韭黄鸡肉饺」个馅就睇落冇咩特别，不过韭黄食落都几香，鸡肉弹牙唔错！跟埋辣菜甫食都几惹味！
醉猪手
一客其有五件，份量其实几多，不过花雕酒都真系落得有啲太多！猪手本身几爽，清洁都干净唔会有毛，有几粒杞子，虽然系几入味但系酒味太浓，真系有啲吃不消！
麻辣牛腱丝
呢个牛腱丝都系爽口弹牙嘅，不过同样系调味有少少出事，辣酱落得过火，同埋有啲太咸，搞到边食边流汗，但又要揾嘢饮解下咸同埋辣！
如果可以改善返啲就比较好，整体嚟讲佢哋招牌嘅饺子质素都保持到多年前嘅质素，仲系馅正足料好味嘅，不过小食就要多加改善！个用餐环境都好舒服同埋relaxing，唔好浪费咗咁好嘅配套先得架！
张贴
