初芋 (已結業)

都唔知点解到九月都仲系咁热☀️ 系旺角行到成身汗，见到一间台式甜品店简直好似见到海市蜃楼咁😍 餐厅都坐得几爆下，睇黎大家都好需要一啲透心凉嘅甜品🍧𝗕𝘂𝗯𝘂推介🔥👍 重量级冰极芋圆锅无论系卖相定系份量都系重量级嘅甜品，见到好多台都有叫。大大一盘，上枱时配上干冰，烟雾弥漫好梦幻。除咗餐厅招牌芋圆，仲有成十种配料，再配上自选糖水底。糖水底我拣咗椰汁初芋露，唔太甜又充满芋头香，就算就咁食都好好食。餐厅招牌芋圆唔使讲，烟靭有咬口。而配料方便我最欣赏芋泥同埋仙草，两款都系上乘之作。👍 特选台式卤水拼盘-分享大拼盘劲力食穿九宫格！一共九种台湾卤水小食，有猪耳、花枝丸、枝竹、鸭血、鸭肾、无骨凤爪、卤蛋、豆腐、莲藕。而我最钟意既系无骨凤爪，质地爽脆加上充满卤水味，一秒清左。👍 奶盖乌龙茶见到写住人气no.1梗系要试下😆 乌龙茶茶味香浓，饮落回甘。配上好重奶味嘅浓厚奶盖，每一啖都系茶味之中带奶味，充满层次感。📍初芋 旺角西洋菜南街2N号新江大楼地舖