Nun Desserts Cafe

营业中

休息中

呢一间甜品店好近旺角地铁站，一出去旺角中心隔离已经系，夜晚真系劲多人排队，好旺场。餐牌上面菜式种类都唔少，除咗韩式主菜，咸食之外，主打嘅甜品有雪奶、窝夫、特式饮品等等。韩式炸酱面 $65：香港食过唔少炸酱面个炸酱劲浓劲厚，搞到酱多过面。呢个反而啱啱好，薄薄地，唔会太多酱一pat野咁。双重开心果小山园焙茶雪奶 $78：雪奶个口感好特别，好轻飘飘，食落口即溶，好似食紧雪花咁。佢哋仲用牛奶而唔系水去整冰，所以多一份牛奶甜香。如果想甜d d，可以额外加炼奶添！个冰上面铺咗d杏仁碎片、开心果粒、原粒杏仁，同埋有一块waffle脆片，所以食落都好有口感、好多层次，抵赞！