別府駅前料理 (已結業)

话说今日同朋友行下观塘九龙湾睇下有无d平价开仓货，意想唔到原来九龙湾食个饭都排晒队。难得见到有一间餐厅系唔洗派对既，就入左去试下喇，点知就中伏喇。餐厅外面睇系好正常，而个menu都整得几吸引，而且食物种类都有好多。玉子＆海胆寿司非常普通，饭竟然系热既，真系接受唔到。价钱仲要比一般寿司店贵，我食返元气好过啦。黑蒜油豚肉拉面见到menu话系招牌就试下，但食落非常普通，汤底食落都有黑蒜油味咁啰，已经唔知可以比咩comment佢。仲叫左个火锅，嬲到吾想影。成碟野乜都冇，连菜都冇几条，食唔饱。d粉丝唔知点解系剪开一折折好短既比你，而且得过20条手指咁短既粉丝左右，食完都唔知食左d咩。吉ｘ家好食过佢太多。总括而言，食物质素差，性价比奇低。下次要记得无人排队既餐厅不要去。