燒鬼 (已結業)

我地早咗少少点，安排咗坐个路口位，问职员可否调，正如相片所见，果时仲好多空位，但佢地话已经Reserved 晒，无办法。咁唔紧要啦。开始就上咗和牛拼盘，职员同我地讲，落其他食物可以直接同佢地落单，但又无俾menu我地，再问，先话用QR code落单，原来佢地无俾QR code我地🙄到正式开始，我地个炉上面的灯唔著，完全睇唔到d肉烧得熟唔熟，再问另一个职员先话个灯系坏的，再同我地转枱🙄 虽然职员都好有礼貌不停同我地讲唔好意思，但真系一肚气，话另一个同事搞错，但系我地开始咗半个钟，又系门口当眼位，都无人理我地😒😒 帮我地开炉个同事揸猪油果时又无发现....😅食物方面，没错！牛肉类是不错的！不过只系牛肉类，不过都有值得推介的，牛舌同和牛拼盘系好食的，不过牛肉上碟一阵就已经劲多血水🤭，柚子酱油和牛寿司超韧，蚝唔算新鲜，有一只有怪味，一口和牛炸粉太多，食炸粉咁，完全一试难忘，唔想再试。不过咁，餐厅卖点系烧牛肉，如果你唔介意其他野食的话，都无所谓的今次经验，相若价钱，必定有更好选择。希望餐厅会改善