影片
更多
2009-10-05
25 浏览
之前已经有朋友推介过，但系无机会嚟试，所以突登拣咗个星期日同蕃茄蛋到Stonegrill一试佢同Citibank拍嘅优惠午餐。先讲讲个午餐有咩先：西瓜汁面包餐汤石烧美国上等牛肩扒 + 1/4蕃茄 + 半个薯仔 + 一片青瓜Haagen-Dazs (士多啤梨味)餐饮 (热柠水 & 咖啡)个餐附送西瓜汁，真系好新鲜，同埋觉得佢哋真系好细心，因为咁样用热石grill食物无疑系有啲热气，但系佢就送你西瓜汁，等你解热。一路食住个餐，一路用西瓜汁送口，真系好舒服！面包有两款，一款系香草包，另一款系普通𠮶啲白包，味道虽然唔错，但系可惜只系得微温，配以Olive Oil & Vinegar都可以；如果搽牛油的话，牛油唔会即系溶，但系嚿牛油本身就好香。汤似忌廉汤，相比其他食物，ok啦。至于到个主菜牛肩扒，送嚟时虽然侍应有教点样整，但系比较细声，所以都唔系听得好清楚，不过唔紧要，都系咁食嘅啫。见到好多枱都系食紧呢个优惠餐，份量的确唔少，因为系有两条窄身厚切嘅牛肩扒。因为唔想食太熟，所以好快将啲牛肩扒夹到白碟度，情愿到要食时再将佢放落热石度grill，务求趁热食。件牛肩扒唔会太肥或太瘦，都算好均匀。一摆入口
先讲讲个午餐有咩先：
西瓜汁
面包
餐汤
石烧美国上等牛肩扒 + 1/4蕃茄 + 半个薯仔 + 一片青瓜
Haagen-Dazs (士多啤梨味)
餐饮 (热柠水 & 咖啡)
个餐附送西瓜汁，真系好新鲜，同埋觉得佢哋真系好细心，因为咁样用热石grill食物无疑系有啲热气，但系佢就送你西瓜汁，等你解热。一路食住个餐，一路用西瓜汁送口，真系好舒服！
面包有两款，一款系香草包，另一款系普通𠮶啲白包，味道虽然唔错，但系可惜只系得微温，配以Olive Oil & Vinegar都可以；如果搽牛油的话，牛油唔会即系溶，但系嚿牛油本身就好香。
汤似忌廉汤，相比其他食物，ok啦。
至于到个主菜牛肩扒，送嚟时虽然侍应有教点样整，但系比较细声，所以都唔系听得好清楚，不过唔紧要，都系咁食嘅啫。见到好多枱都系食紧呢个优惠餐，份量的确唔少，因为系有两条窄身厚切嘅牛肩扒。
因为唔想食太熟，所以好快将啲牛肩扒夹到白碟度，情愿到要食时再将佢放落热石度grill，务求趁热食。件牛肩扒唔会太肥或太瘦，都算好均匀。一摆入口，觉得牛肉味都几够，而且最重要系件扒真系好滑，好易嘴嚼，同埋好juicy。
侍应好体贴比咗啲mustard我哋，而本身个餐就跟烧汁，枱上又有盐同胡椒，所以有好多搭配。样样我哋都试过，mustard好能带出牛肩扒嘅味道；烧汁嘅味道好浓郁，虽然好味，但系偶尔会觉得佢抢咗啲牛肉味；盐同胡椒就带少少辣味，简单啲。食完两件牛肩扒，感觉好满足，而且觉得系超值，但系千祈唔好忘记啲配菜。
我同蕃茄蛋都有将啲蕃茄、薯仔同青瓜grill埋，蘸少少烧汁，简直一流。尤其嚿蕃茄好甜！
雪糕，因为系Haagen-Dazs嘅出品，所以不用多提，大家亦都知道味道如何。
餐饮方面，我就叫咗热柠水，蕃茄蛋就叫咗热咖啡。柠水嘅柠檬好香，因为一送到嚟，坐对面嘅蕃茄蛋都闻到，饮落的而且确唔涩；而蕃茄蛋杯热咖啡都唔错，好香！
成个餐真系超值，虽然要正价加一，但系都唔驶$120一个人。讲真，自己净系出去买料都唔得。鲜茄蛋话，上至牛肩扒，下至嚿蕃茄都系靓料，绝对无将货就价，真系抵到晕，有机会一定会再试，强烈推介！！
P.S. 虽然订枱时，姐姐话要1:30 p.m. 交枱，但系当日可能系中秋翌日，所以唔多人，我见有啲人都系就咁walk-in都得，我哋根本无需急住交枱，可以慢慢坐，而且亦唔觉得有好多油烟呢个问题。
张贴
