影片
更多
2007-12-18
41 浏览
跟太座讲咗迹近成年，终于响临近圣诞佳节，可以一尝呢间意菜名店嘅sunday antipesto buffet...作为一个美食爱好者，一想起今次只系首先品尝，实在太惭愧...听得太多朋友话佢哋嘅sunday antipesto buffet如何精彩，实在有太高嘅期望。所以直头打算取消平安夜嘅celebration dinner，当呢餐庆祝埋...一入门口，一大堆antipesto已经响度等紧你--- grilled eggplant、红青甜椒、鱿鱼carpaccio等等。还有蒜粒虾蛄、大虾及小龙虾；当然唔少得佢哋省招牌嘅parma ham with melon...试想想，平时单叫一碟sliced parma ham with melon都要HK$238，家阵钟意食几多都得，水准一样出色。简直系人生一大美事..^0^坐低，先跟太座order sparkling wine。不停地refill，喝得不亦乐乎；再吃一口grissini，然后开始出去猎食...差不多每款antipesto都有试一口。当中自己反而最欣赏最平凡嘅青红甜椒，味道相当的清甜；其次就系西班牙式蛋卷tortilla，香甜之
作为一个美食爱好者，一想起今次只系首先品尝，实在太惭愧...
听得太多朋友话佢哋嘅sunday antipesto buffet如何精彩，实在有太高嘅期望。所以直头打算取消平安夜嘅celebration dinner，当呢餐庆祝埋...
一入门口，一大堆antipesto已经响度等紧你--- grilled eggplant、红青甜椒、鱿鱼carpaccio等等。还有蒜粒虾蛄、大虾及小龙虾；当然唔少得佢哋省招牌嘅parma ham with melon...
试想想，平时单叫一碟sliced parma ham with melon都要HK$238，家阵钟意食几多都得，水准一样出色。简直系人生一大美事..^0^
坐低，先跟太座order sparkling wine。不停地refill，喝得不亦乐乎；再吃一口grissini，然后开始出去猎食...
差不多每款antipesto都有试一口。当中自己反而最欣赏最平凡嘅青红甜椒，味道相当的清甜；其次就系西班牙式蛋卷tortilla，香甜之余蛋味浓，跟响toscana食到嘅各有千秋....
海鲜类以小龙虾较好，胜在多膏肉厚，但肉质较粗糙，比较饱肚，只能浅尝；虾蛄及大虾则无甚特别...
parma ham肥瘦有致，跟melon配食，一咸一甜，绝配...但当然亦只可浅尝，正所谓小食多滋味ma...
除了antipesto外，亦有两款pasta (spaghetti及penne)可作side order，且无限供应。配料有美国牛扒、鱿鱼、BB salmon及大虾等。一吃，炭火味十足，太座食得极高兴。牛扒淰糯，火喉亦刚好；鱿鱼绝无擦胶feel；大虾亦鲜甜。食食下听见邻座客人稍嫌炭味盖过应有嘅肉味。于自己嚟讲，正所谓各花入各眼，人嘅口味各有不同而已...
食饱antipesto，主菜跟住就嚟。太太一见到有duck liver，即叫；自己就选择食羊架，放弃咗原本想叫嘅linguine alla sabatini..
duck liver有两大片，切得够厚身，口感丰腴，有鸭独特嘅膻香，亦冇乜"根"，但略嫌表面煎得不够脆口，其中一片吃落亦有少许苦味，不过已可满足太座呢个"肝"迷嘅欲望...
羊架例牌要五成熟。肉质够tender，膻味点到即止，但好奇怪，跟duck liver一样，两块羊架水准有点不平均--- 一块煎得火喉刚好，另一块却系有D overdone，表皮亦冇微脆感觉。怪不得身旁有位熟客将佢碟羊架打回头，难得厨房亦好乐意再做，且不停走出嚟问意见，实在值得一赞...
卒之食到甜品。tiramisu呢个镇店之宝依旧出色--- 酒味浓，mascarpone cheese够滑，跟响fine foods食到嘅一模一样，仲要不停refill，正；其他意式甜品如panna cotta、puddings等当然亦有供应。但最特别嘅系连经典法式甜品如floating island及Saint Honore都有得食。试了一件Saint Honore，cream份量极多，底层酥皮脆口，伴埋cream puff而食，相当特别。太座吃后大赞....
饮埋coffee and tea，食到个人呆吓呆吓咁，太饱嘞。见到太座𠮶个"饱"样，都唔知好嬲定好笑
连加一HK$490每人，但antipesto、pasta及dessert任食，再加sparkling wine任饮，点可能咁超值?
service一流；环境属smart casual，又冇特别嘅dressing code，唔似响toscana食得咁拘谨，较适合小弟...
若果要食semi或类似brunch buffet，呢度一定系全港头三位之选...
张贴
