金林閣

营业中

休息中

中午去丽晶见客，个客话带我去佢附近有间酒店里面一间新开业嘅餐厅饮中茶，佢话唔使去啲酒楼又要等位，又逼夹又嘈，就同佢行咗大概5分钟到咗呢间系荃湾丝丽酒店二楼的餐厅，坐底之后发觉佢同其他酒店嘅餐厅有好大分别，佢除咗酒店例有的中午半自助餐，又有点心任食放题，如果多人嘅话仲可以点佢哋啲中式套餐，直情系同的中高档酒楼冇乜分别，我同我个客人两个人就点左佢哋的点心任食放题，啲点心非常有水准可以讲同出边啲有名气嘅酒楼有得比，两个人食都得好满足，我更系要抢住埋单啦，因为都唔使$200.-所以我都要喺度同佢宣传吓，另外佢哋其他的餐单系新开业期间，午市仲有六折，睇餐单叫过半自助午餐连主菜食西冷牛扒都唔使$100，佢地仲话啲西冷牛扒喺用澳洲草饲牛，因为新开业关系希望省招牌㖞，佢哋晚餐时间都可以食点心放题，好似系国内饮夜查咁，每位都系$98 ，而其他主餐牌就有八折，揾晚真系要同埋我个至爱嚟试吓佢哋啲西餐，返到公司仲要同老板讲，以后公司有啲乜嘢宴会，都可以考虑帮衬呢间餐厅，因为仲有免费泊车，好过去买𠮶啲酒楼多多声下次同至爱去先补番的相 因为今次话哂都系同客人食饭 唔好意思比相机食左先