影片
更多
2015-05-19
1676 浏览
同男朋友又去揾食，又想食日本嘢。所以就跟住推介嚟到呢到，楼上舖人少少环境都不错。因为谂唔到叫咩食，就跟住推介叫左极上二人餐。($388)二人餐跟左两杯饮品，我地都叫左巨峰提子特饮，但是我地都比较中意佢地既茶，因为有啲桃味，好特别。二色刺身吞拿鱼不是说特别好味(我不是特别喜欢食)，但是三文鱼很新鲜，最喜欢肥美的三文鱼，油脂在口中溶化的感觉很正！面鼓汤其实平时我唔系几中意饮面鼓汤，但呢个面鼓汤又唔错㖞，唔会太咸！和风有机沙律啲菜几fresh，不过我唔系几中意个汁，有啲似鼓油味，如果换成日式芝麻酱就正好多。软壳蟹卷每人得二件食完好似唔够喉甘，不过虽然得四件，但系个软壳蟹又炸得唔错既。香灯焗银雪鱼其实成餐饭，我觉得最特别系呢个菜式。银雪鱼系最底，面头舖上左香灯。本身以为味道会好怪，但其实几好食！什锦天妇罗一共有四样嘢: 有两只虾、南瓜和茄子。两只虾都有整只手掌般长，虾肉又甜又脆，炸浆不会太厚身，再配上天妇罗汁，正！香蒜一口牛柳粒最怕食到一口牛柳粒似系香口胶甘，但呢个炒得好香之余又唔会过火，必叫！终于上最后一样嘢，就系炒饭拉。就甘睇无乜特别，但系最like佢炒得粒粒分别够镬气！总括嚟讲，系尖沙咀
同男朋友又去揾食，又想食日本嘢。
所以就跟住推介嚟到呢到，楼上舖人少少环境都不错。
因为谂唔到叫咩食，就跟住推介叫左极上二人餐。($388)
二人餐跟左两杯饮品，我地都叫左巨峰提子特饮，但是我地都比较中意佢地既茶，因为有啲桃味，好特别。
二色刺身
吞拿鱼不是说特别好味(我不是特别喜欢食)，但是三文鱼很新鲜，最喜欢肥美的三文鱼，油脂在口中溶化的感觉很正！
面鼓汤
其实平时我唔系几中意饮面鼓汤，但呢个面鼓汤又唔错㖞，唔会太咸！
和风有机沙律
啲菜几fresh，不过我唔系几中意个汁，有啲似鼓油味，如果换成日式芝麻酱就正好多。
软壳蟹卷
每人得二件食完好似唔够喉甘，不过虽然得四件，但系个软壳蟹又炸得唔错既。
香灯焗银雪鱼
其实成餐饭，我觉得最特别系呢个菜式。银雪鱼系最底，面头舖上左香灯。本身以为味道会好怪，但其实几好食！
什锦天妇罗
一共有四样嘢: 有两只虾、南瓜和茄子。两只虾都有整只手掌般长，虾肉又甜又脆，炸浆不会太厚身，再配上天妇罗汁，正！
香蒜一口牛柳粒
最怕食到一口牛柳粒似系香口胶甘，但呢个炒得好香之余又唔会过火，必叫！
终于上最后一样嘢，就系炒饭拉。
就甘睇无乜特别，但系最like佢炒得粒粒分别够镬气！
总括嚟讲，系尖沙咀用呢个价食到甘大份既二人餐真系超值之选，不错喔！而家晚市正价食品又有85折，抵丫！
张贴
