真味鮮廚 (已結業)

放工同同事一行4个人，近近地揾左间放题食，因为唔洗就住就住，又唔洗担心食唔饱。坐底后店员会安排刺身同先上鸡煲，系等食既同时去左酱料区混酱！选择唔多，但基本既都有。刺身比想像中好，全部切得好大只，最特别系有鲍鱼仔，严格来讲应该唔系刺身，不过都几好食。鸡煲都算惹味，份量唔会太多，因为要留肚食之后既好野。海鲜盘来到时真系哗左声，全部海鲜个样都好新鲜！有大龙虾、圣子王、带子、鳝鱼等等！唔系得个样，食落都真系几好，除左细只圣子仔有沙外，其他海鲜全都好正。手切牛肉(4人份)厚切有肉味，食完再食普通肥牛，完全食到果种分别，手切就系好食d云吞皇大粒虾肉，皮薄，个人觉得中规中举！不过都只系得一粒上面全部都只系一次性，唔系任食。食完上面当然未饱住，当然要再点任食既配料打边炉啦。肥牛虽然唔系手切，但质素都唔差！饮品选择唔算多，一般汽水都有，有啤酒任饮。推介饮佢地自家既饮品，质素不错。因为唔系预先想食，只系4个人随便即日上网揾，无期望下反而几有惊喜，最重要系个价钱真系抵食。