影片
更多
2019-09-19
451 浏览
今日又去金满海鲜坊饮茶， 大约点零钟去到， 差不多坐满客， 因为约咗朋友嚟打雀局， 朋友未到齐咪叫啲点心 医吓肚先， 真系不得不推介呢度啲点心， 正价点心好多， 但真系好自然就会选佢个孖宝26.8两款任选, 唔同嘅地方系出面点心好似跑马咁一胆拖几脚但系佢就随便你选,可以要晒两个烧卖 因为出面𠮶啲会计成本可能只畀你叫一个烧卖，然后就叫啲平价啲嘅点心配搭， 系人都知烧卖起码系特点啦， 做法咁大方 我都猜想佢会烧卖细细粒又冇虾于是叫咗一个啫配一个燕麦糕， 另外仲叫多一个xo酱萝卜糕， 烧卖一嚟到嘅时候 我都好意外 因为个烧卖大大粒，爽口弹牙有虾有肉汁， 正! xo酱萝卜糕 好多萝卜丝而且唔多粉，xo酱较到啱啱够味，非常值得推介， 打麻雀当然叫多碗饭啦 ，叫咗一个叉鸡饭， 叉烧 肉质松软， 而且烧到啱啱好，好香， 切鸡相信用冰鲜鸡， 都不过不失， 留意到佢嘅炒粉面平 到我唔信 ，但系今日太饱唔会食下次再试， 因为我见到隔离枱叫𠮶碟厦门炒米非常正， 推荐大家如果喺附近一定要去试下!
张贴
