Fauchon Paris Le Café (已結業)

于OpenRice揾食时见有买1送1优惠（主菜），谂住一试无妨，于是就去试一试菜，点咗肉眼扒，西冷扒，香煎带子海虾及法式油封鸭腿。5x熟嘅肉眼扒多汁，肉味够，够腍，配上超正招牌薯条，正正正；5x熟嘅西冷过熟，应有7-8x熟，表面焦㶶，肉好韧，肉味不够，好彩仲有超正招牌薯条；香煎带子海虾都ok，但似前菜 / 小食多啲；法式油封鸭腿感觉似一般腊鸭腿。饭后甜品拿破仑千层酥及胡桃焦糖挞属一般，饮品就……太妃糖开心果咖啡（唔系好记得）超甜，毫无咖啡味，只有一个甜字，根本唔知饮紧咩！冻朱古力咖啡都系无咖啡味，好彩无咁甜！只有蓝莓沙冰叫可以！虽然饮品及甜品较逊色，但因有买1送1优惠（主菜），都觉得超值