大豐澳門翠苑餐廳 (已結業)

澳门大丰坐落于青衣灏景湾商场的茶餐厅，我地一家大细时不时都会帮衬，今日衬课外活动后就过黎医肚。贵妃娘娘叫左海南贵妃鸡套餐，朕叫左贵妃鸡鱼汤泡饭，格格同小阿哥就食乌冬。先讲朕的鱼汤贵妃鸡泡饭，我就钟意佢个奶白鱼汤鲜甜，加入莞茜、丝瓜、秀珍菇，成件事好夹。贵妃鸡浸入个汤里面，鱼汤吸收埋淡淡鸡油香，鲜味再升华到另一层次，每次食呢个饭朕都会饮埋个汤。丝苗米浸汤后粒粒饱满，非常易入口，故每当朕龙体违和嘅时候都必定要食呢个泡饭，饮完个汤成个人暖笠笠出一身汗顿时感到浑身舒畅。如果想食滑鸡，就要试呢个海南贵妃鸡饭。鸡肉滑一滑，配埋个白饭清清地真系洽度好处（唔似得出面用油饭咁油腻），仲有腌过的酸萝卜丝好开胃。至于个照烧鸡扒手打乌冬分量十足，蕃茄萝仔洋葱浓汤配以爽滑的手打乌冬，仲有炆到好淋的牛腩肉，营养价值高，最岩成长期嘅小朋友。仲有大大块日式照烧鸡扒，好香口。美中不足系由于块鸡扒碎上，令肉汁流失，食落有少少干。澳门大丰一直做街坊生意，以价钱平质素高作招徕，深得朕心，值得长期支持！