定食 Doraya (已結業)

前晚同朋友去左旺角, 之前睇杂志话女人街开左间新既餐厅系食吞拿鱼饭. 呢间野我早好耐之前起铜锣湾都食过一次, D野的确唔错 (因为我系超钟意食TORO同埋三文鱼) . 而家旺角都开左间, 方便之余价钱亦都冇咁贵!果晚我同朋友两个人大约7点半落到去, 好彩仲有位剩, 不过都差唔多full晒咁济. 但由于间舖好细间, 所以坐得好迫, 倾计都唔系好方便!睇杂志介绍呢度D吞拿鱼扒饭好正, 价钱又唔系好贵, 所以我就点左一客黎食~冇记错既话, 佢系有得加25蚊加低, 或者只加10蚊加饭. 不过我夜晚唔食咁多野, 所以就冇加到喇.野食黎度果阵望到碗饭真系觉得细左D. 不过食晒之后就觉得差唔多. D吞拿鱼扒好鲜味, 外面系用左火烧一烧熟, 里面就系生既. 好好食好正呀! 至于前菜果两旧玉子我觉得干左D同埋冇乜蛋味. 但都可以接受.埋单每人100蚊左右, 超值!! 下次一定会再黎试!!!