炊豕店 (威靈頓街) (已結業)

今日去中环做野，经过左半山扶手电梯附近想食下野，又咁啱俾我见到呢间想食好耐既炊豕店，以前成日经过铜锣湾想试都无试到，于是二话不说就走左入去食～入座时间系大概5点几6点，仲有下午茶提供👍🏻但大食既我梗系叫正常menu食饱啲呢间餐厅最主打就系佢地既秘制猪扒饭，仲有唔同既汁拣。我就拣左最多人叫既葱油啦～另外仲后加左个唐扬炸鸡～啲野食黎得好快，但绝对唔似翻热食物。猪扒一咬落去又脆又多汁，同我对炸猪扒既一贯认知截然不同！另外葱油亦都好够味，净系食葱油已经够送一碗饭！同行游人叫左个梅菜扣肉饭，以佢既价钱黎讲绝不欺场👍🏻肥瘦均匀，好过唔少出名既中餐菜馆呢度既炸物系十分之出色，佢既炸鸡皮薄多汁，下次再黎一定会翻兜！