鳴門割烹料理 (已結業)

星期六中午，悠闲地嚟到国际交易中心，见到有间鸣门，记得N年前拍拖嘅时候都有食过一间叫鸣门嘅日本菜，印象中质素唔错，相信系同一集团，于是乎就走咗入去，谂住慢活地过一个中午。见到佢有个半自助放题，都几少见日本餐厅会有呢个形式，价钱又唔贵，好似几吸引。佢嘅煮食都有八款选择，生食熟食都有。而半自助放题方面，选择当然冇出面嘅放题店咁多，但都系大路嘢，绝大部份都啱食。食放题当然先来个刺身，我哋就食咗两round，两回合嘅刺身质素都算唔错，用料新鲜，而且排列得整齐精美。呢个半自助课题仲每人会有一只矶煮鲍鱼，用酱汁制作过嘅鲍鱼，入味得来仲能够保持到鲍鱼爽口弹牙嘅肉质，好味！放题方面，我哋点左两款沙律，沙律菜非常新鲜，「胡麻豆腐沙律」嘅豆腐好滑，胡麻酱份量适中，「角切鱼生沙律」嘅酱汁混入咗少许wasabi，相当惹味。寿司方面，饭嘅份量比平常细，令食客可以留肚食其他食物。帆立贝、北寄贝等都好新鲜！食过寿司刺身之后，我哋就点咗主食，首先嘅系安格斯肉眼扒。佢系薄切牛煎香后再切件，配上烧汁，一件一口，有少许肥膏，所以肉质好淋好滑，份量亦多！另外就点咗烧银鳕鱼，银鳕鱼煎得香口，鱼皮微脆，鱼肉保持嫩滑，两份主食我都