大丼屋 (已結業)

今日早上女朋友发左个介绍短片，打开来看介绍呢间日本野，短片十分吸引，日式叉烧定食，鳗鱼定食，牛肉定食，全部都大大份，样子极吸引。咁啱今日荃湾见客就走去试下，去到大约13:30左右，餐厅没有太多人，心谂会唔会中伏，所以系门口睇下餐牌，发现除了以上3款外，仲有其他野食，例如鱼生定食，天妇罗定食，豚肉定食等等。价钱就因应不同食物而定，分别都几大。我挣扎左好耐，决定试佢个日式叉烧定食，因为样子实在太吸引，价钱又相对优惠$68，比起鳗鱼饭$98，所以决定试试。餐牌注明制作时间10-15分钟，因即叫即整。等待期间看见隔离个靓仔叫左个天妇罗定食，样子十分吸引，忍唔住偷偷望左几眼，心谂下次来一定要试。等左约10分钟，我个叉烧饭终于到左，叉烧望落去十分肥美（起码有6块），表层还有一只蛋黄，我就捞混佢地一齐食！第一啖食落去啲叉烧到感觉十分正，味道浓郁又有肥肉。我建议大家真系要来试下。不过佢啲饭就有啲烂，应该是煲得太耐，所以要扣分。至于汤同沙律就正常味道，没有什么特别。下次我肯定会带埋女朋友来试多次，因为仲有鳗鱼定食，天妇罗定食都好想试下。**本人食完饱到夜晚，所以大家要量力而为