四點金飯店

营业中

休息中

今日嚟咗呢一间潮州菜馆食咗一个超值套餐，三𩠌一汤仲有甜品真系非常抵食。佢嘅咸菜已经好好食，味道适中唔会太浓。第一个𩠌我哋拣咗潮式冻乌头，都几大条，虽然食到有少少泥味，不过呢个套餐嘅价钱绝对收货啦。其实佢都有几多𩠌可以拣，就好似呢个𩠌咁样，可拣蚝烙、九肚鱼烙同水瓜烙，我哋拣咗水瓜烙，因为平时少d地方食得到。鱼腐浸时蔬清清地几好食，啲鱼腐真系唔错。其实本身可以拣西湖牛肉羹或者胡椒猪肚汤，不过唔知点解都唔想饮呢两款汤所以就嗌咗个例汤，佢个例汤好足料啊而且冇味精。佢呢个甜品都几好食，香得来唔会好甜，烟烟韧韧嘅糕点系最正嘅。