Pepper Lunch (1亞太中心)

营业中

休息中

一想到食铁板餐，就会想起Pepper Lunch，价钱经济实惠，简单食材在热烘烘的铁板上高温烹调，咋咋声冒晒烟够晒热，特制铁板长时间保持80度高温，一路热住食的确美味，冬天食更觉份外暖意好味。酱料摆放在枱上黑椒、蒜蓉豉油同蜜糖酱汁可以随意添加增味，轻易调出自己最喜欢的味道食落好有满足感。珍宝黑椒牛肉饭 ($65)珍宝牛肉份量多每啖饭都食到牛肉好满足，牛肉质素不差有牛味煎得好香，同埋牛肉点煎都唔老，好多黑胡椒粒食粒好惹味。煎蛋照烧汁鸡扒 ($59)鸡扒好滑上枱已全熟的，烧汁分碟奉上，用来点鸡扒好味，碗饭直接倒落铁板，再加上摆放在枱上的蜜糖蒜蓉汁酱和黑胡椒，饭甜甜地好好味酱汁落几多都得啱晒重口味嘅人。摇摇沙律 ($12)跟餐加$15就有沙律和饮品，俾多$3有饮品都值得。沙律生菜很新鲜，份量不算多，把芝麻沙律酱倒上生菜然后掩盖摇摇摇好方便，酱汁好浓郁，每片生菜都沾上好美味。