七輪燒肉 (已結業)

去左西湾食日本烧肉，今次做乜去到西湾咁远？因为要食好野通常都系要去远少少嘅，呢间七轮烧肉，冇令我失望。入到去，已经好型格，橙黄灯光加上一个个银色铁炉，仲系木材嘅建筑，四周放了酒樽，好有气氛，约班朋友嚟倾计食饭烧下肉最岩。我地嗌左吾少，太正一嚟就食冇乜点影到相，大家一定要去试下，嗌左镇店之选，霜降和牛肉眼扒定食，以为要好贵，错了，仲平过超市自己买嚟煮，才百多元，非常期待，上碟果然冇失望，脂肪分布超靓，烧两烧就食，入口即溶，而家谂返都口水直流。另外，仲食左牛臂肉，又系和牛嚟，冇咁肥，牛味重少少，超正丫，都系百多元，除左牛，仲有一，份份定食，有饭有面，都系六十几蚊，呢间真系会再约另一班朋友带佢地去试下，真心推介。