夢工房西日料理 (已結業)

今日放假约左朋友去葵涌广场行街，朋友住葵芳，行完街之后介绍我去呢间食放题。6:30前入座只系$168可以任饮任食两个钟，价钱好吸引。入到去里面几大，座位几阔落，装修几特别，好有工业风味道。食物款式选择非常多，刺身丶寿司丶手卷丶炸物丶火锅丶串烧丶饭面等等。估唔到d刺身仲好新鲜，特别系三文鱼腩丶甜虾入口鲜甜，完全无雪味。寿司虽然细细件，但又几好味㖞，食得出系即叫即整，唔会求其。熟食方面推介炸鸡翼丶日式饺子🥟同榴梿炸弹火锅配料仲有少量海鲜🦞，蔬菜自取任食仲有可以自取饮品，汽水丶无糖茶丶柠檬茶丶芒果汁丶芦荟汁丶啤酒丶清酒丶梅酒，全部任饮，讲得出嘅都有。仲未完㖞，最后仲有甜品雪糕任你拎任你食，雪糕最少起码有七八款选择，雀巢雪糕杯，脆皮雪条，就连软雪糕都有，花多眼乱，食到你唔想食呀。$168呢个价钱真系超级超值，食到捧住个肚走，放题黎讲真心唔错。