紅茶館 (已搬遷) 新店位置

经过好多次，今日终于有机会入去食吓嘢，喜出望外。环境好清静，我们三个人几乎系包场，咁少人有些疑虑莫非质素很.....叫了两个焗海鲜饭晚餐和煎龙脷柳晚餐，有头盆虾沙律，虾有虾味菜新鲜，开始有惊喜。继续.....汤够creamy、面包够香脆，水准之作。而且分量很足，汤的分量在一些高档西餐厅算是两人分量，食量细的人要预一下。来到主菜，龙脷柳煎得好靓，应说是我咁大个仔见过煎得最靓的一次，两面金黄微微㶶，鱼肉不干刚刚好。可惜焗海鲜饭芝士味不够浓，但有四只中虾、带子、青口....，好好味又唔讲得，但都算有海鲜味。甜品、咖啡质素比较一般。大佬，98蚊个餐食六样嘢仲想点呀？简直系超值。上星期去过煤X厅餐，近四百蚊个人落楼论质素都唔及这里。只系可能因为太少人，待应亦少，经常都唔见人。想要胡椒粉等好耐都见唔到一个人，要自己走出去揾人。但服务态度仍算几好，有几会定会再去。