極尚大瀛喜日本料理 (已結業)

Honey下午突然来电，话有得早收，晚饭多左时间所以想改食日式放题。小肥记得上星期喺互联网上睇到友人上载咗啲日式放题相，揾返出黎睇却只见店名「极尚」两个字。虽然张相讲名话系喺尖沙咀度食，不过上OpenRice查过，叫「极尚」o既日式放题似乎只有铜锣湾o既「极尚大瀛喜日本料理」，见反正系即兴，所以就先订咗张六点o既二人枱 。位于铜锣湾广场二期o既「极尚」面积可算为全层，因为餐牌、餐具及单据上都可以清楚见到同层o既「牛脾气牙涮锅」其实系有所关连。店子间隔开扬得黎每个散座都极具私人空间，灯光充足但仍不失柔和。大堂o既二至四人散座全为梳化式卡位，室内冷气足，环境阔落又舒适。  桌上一本厚厚o既记事薄原来系餐牌 。餐店属放题形式，食物可任食任点，但仍不忘于餐牌中提醒食客要珍惜食物及减少厨余 ，非常正面。记事薄内有多页点𩠌纸，分A至K页列出不同款式o既日本料理，有刺身、寿司、烧物、天妇罗等，就连雪花牛肉火锅都有得食，可真琳瑯满目，全部仲要系即点即煮，确保新鲜。除咗入座后有热茶之外，酒水同样系任饮，全放于店子中央四个大雪柜内。沙律、前菜、小食、雪糕、甜品等则属自助区食品，欢迎随时自取回座位