真心泰國菜館 (已結業)

到旺角朗晴坊见到大大个招牌真心泰国菜馆，到二楼，装修有特色，有泰国风味。菜牌面以木造，食品价格普遍都好超值，除单叫食品外，还有非常抵食的晚市套餐，每样都唔过$70 ，真系午餐都食唔到这个价钱呀。 点了泰式生菜包饭$68，肉碎都几辣，非常惹味，包上生菜可中和辣味, 好正宗的泰国风味。再叫了泰式串烧$85，一碟半打有六串，选择了牛肉同鸡肉。自己较喜爱食鸡肉，肉质较嫩滑，牛肉点起沙爹酱好夹，有粒粒花生，好香。另一晚餐叫了咖喱海鲜饭$89，唔算太辣，有虾，鱿鱼同蟹柳，但海鲜比较细件，咖哩汁加了蛋好滑，汁够多可捞饭。饮品加了$5 叫了冻咖啡同青柠梳打还送上甜品，有紫米糕同椰汁糕。晚饭食泰国菜呢个价钱，真系好超值呀！