協奏坊西餐廳 (已結業)

今个月想同家人庆生, 想揾高质又实惠的酒店自助餐。有朋友推介协奏坊西餐厅, 平日自助晚餐只要HKD398一位, 咁经济当然黎试下。餐厅好光猛, 以白色为主调, 座位几舒服, 整体俾人一种好整洁的感觉。今期自助餐以"恋上法日海鲜"为主题, 海鲜区令人兴奋, 有长脚蟹、面包蟹、龙虾仔、虾、青口，仲有香芒龙虾沙律。样样都几新鲜，我最喜欢长脚蟹，完全唔咸, 肉质结实鲜美。Salad Bar各款蔬菜好爽脆，多种酱汁配料任君配搭。刺身有希灵鱼、三文鱼、带子同吞拿鱼，寿司类都有好多选择，材料新鲜唔在讲，连平日觉得好干的希灵鱼呢度都出奇地好食。热盘选择亦唔少，虽然我主攻冷盘，我都认唔住ENCORE香煎鹅肝同炭烧伊比利亚猪鞍。甜品方面都好有惊喜。个人好喜欢蜂蜜柚子芝士蛋糕，清甜不腻。仲有两款MOVENPICK雪糕, 小朋友又可以自己整PANCAKE。总括黎讲呢间餐厅CP值几高, 下次会再帮衬。