全記海鮮菜館

营业中

休息中

衬天气好，开始有秋意，想去西贡边吹吓海风，边食海鲜。每次都会选择呢间全记，我觉得佢地服务不错，海鲜又新鲜，最重要，价钱合理。好喇，出去拣海鲜喇先拣左海中虾，白勺，冇得输，次次都食。呢日番左蝴蝶蚌，正呀～煮法：盐油蚌肉肥美鲜甜，又冇沙。呢只蚌只系秋季出现，亦只得2-3个月有得食，所以一见到就即刻order啦。然后拣左只象拔蚌做刺身，价钱好合理架，师父抓上手后，会先推走d水（合理啦…用重量计算费用嘛）。个胆仲可以用黎煲粥或椒盐，但我选择带走开始热食了，拣左d花螺，乌冬辣酒煮啦，够辣呀，又野味，但觉得乌冬太少了，可能佢唔系主角呱，若果多少少就好了。黎喇黎喇，叫左只大奄仔，师父话保证多膏。果然冇食言，盐油焗出黎，一打开，爆膏啦！蟹膏鲜甜甘香，肉质嫩滑。最后加多碟姜汁介兰，随后餐厅送上免费红豆沙，唔太甜，有沙有果皮味，好味呀。