大滿喜日本料理 (已結業)

因为喺观塘返工，就约埋同事去观塘食放题。见宵夜放题咁抵，放工hea一阵就上去食。好彩订左位，唔系有排等。坐位宽落，坐得舒服。点餐纸选择多，实有嘢啱食。黎到日式放题当然要必点剌食😋呢到剌食多选择又新鲜。带子，赤贝，甜虾，油甘鱼必食！我地叫左几转😝有海胆手卷食😍望落新鲜，好彩唔系好大件，唔系就会好饱。芝麻鸡翼炸得香脆，必食。天妇罗炸蟹柳，炸粉唔会太厚。黄金虾好香咸蛋黄，几特别。串烧方面，牛舌同鸡软骨系必点！寿司就点左火炙左口鱼边同池鱼，两款都烧得好香，同埋又系细细旧，唔会饱肚。炖汤估唔到几好饮，好够味。芝士焗开边虾略厌多左芝士，但有诚意。羊扒几入味，唔会好膻。寿喜烧会上成个煲，可以打埋边炉，真系超值。