喇沙專門店 (已結業)

我一向有食开呢间铺到食开佢d牛脷喇沙，咁我见到佢出埋火锅套餐好似好正咁，我就即刻订左个火锅，佢原价$288，早一日之前订就可以优惠价$268订购。见佢餐牌个火锅餐系好多料，肉方面有4款选择，分别系 牛肩肉150g, 肥牛200g, 黑豚肉 150g及腩片200g。咁我今次就选择左牛肩肉同黑豚肉。上面深红色d既系牛肩肉，下面系黑豚肉。佢d牛肩肉系切得好薄，比既位又靓。就咁望d色已经好靓。牛肩肉我好快碌一碌就食。真系好重牛味！好香，唔会韧，好好食重点推介！至于黑豚肉佢系切得比牛厚少少，但都完全唔会韧，几重猪味，几好食。之后系菇，娃娃菜同金菇，份量都比好多，几抵食其他仲有鸡件，豆卜，咸蛋流心丸同其他杂丸。原先套餐系有跟甜不辣的，不过甜不辣刚好卖哂，老板事前同我讲话改为比左其他杂丸。鸡件都几滑，一点都不老，豆卜索哂D汁系好入味！咸蛋流心丸有流心又几特别。粉面方面有油面和米粉，份量几多，一定够饱。油面索哂喇沙汤汁系几好食。海鲜方面，有4只越南虎虾同蚬，蚬的份量真系好多，而且老板真系洗得好干净，蚬系完全无沙。至于虾都几大只几抵食。其实呢个份量2个人系食唔哂，最后我系要留番第2日先食得完，真系非常抵