發哥粥底海鮮火鍋 (已結業)

今日约咗朋友打边炉聚下旧，发哥粥底火锅有两间分店，佢地日头系冰室食下茶餐，夜晚先有火锅嫁。呢到环境宽落，卡位都坐得舒服，枱与枱间有距离，唔会好似酒楼咁成日惊碰撞到。我地今日叫嘅系龙虾餐，一黎到嘅有汤同蒜焗青口，汤相信系一盅盅咁炖，每盅都好足料，好甘香，青口亦非常好食，新鲜同时有好浓郁嘅牛油蒜香味。食完头盘，主角出场喇！海鲜拼盘内容丰富，有生猛龙虾，唔讲得笑，仲识郁，一定系啱啱先㓥，仲有贵妃蚌，蚬，蛏子，生虾，最钟意食蚬，洗得干净无沙，肉质又新鲜鲜甜，正！每人盛恵3xx，咁好嘅质素同咁抵，边到揾呀？