韓舍 (已結業)

年初开始同两个朋友话约食饭, 约到5月大家先得闲, 大家都中意食烧肉同刺身, 所以其中一个朋友就提意去食韩舍。约星期二食, 点知到果日朝早竟然红雨, 大家都系到谂:点解今日先黎落大雨, 都系想好好地食餐饭嘛。好彩到左晏就雨开始停, 唔洗改期, 再改就唔知到何时何月了。7:30准时到左, 入到去, 尼间系旺角韩舍环境令我眼前一亮,坐位好宽敞, 空间好大, 非常舒服, 仲有大玻璃窗可以望到出面既景。7:30既时候都未系有好多人, 仲有好多卡位, 到左8点几左右就开始坐满。韩舍唔同既地方就系佢唔系写纸落单, 而系自己出去拎, 所以我地一放低袋, 就马上出去拎野食。食物款式非常之多, 除左主角烧肉之外, 仲有海鲜, 刺身, 熟食, 甜品………先讲下肉类先, 猪颈肉同鸡肾都好正, 好爽口, 食左好多。猪腩片切得够薄, 唔洗烧好耐就食得, 蘸d千岛酱食, good 呀。刺身方面, 我就主攻三文鱼刺身。炸物方面, 我觉得就还好, 有一个比较特别既就系炸生蚝上面盖左一层饭同芝士, 不过可能系冻左既关系, 所以d饭一夹就散开。海鲜呢, 青口同虾都唔错, 虾既肉质都几爽, 够鲜甜, 青口配辣酱好match