包點達人

营业中

休息中

在湾仔区食饭真系人头涌涌，好多时要排队，而且一般都要$40以上，非常贵，而且仲食唔饱。好在俾我揾到这间美味的包点达人，佢地每天新鲜出炉香喷喷盅头饭，真系大件夹抵食，所以好快就会卖晒，真系手快有手慢冇，不过其实都唔可以话冇，只系你要再等下一轮⋯。各款蒸饭只需$25（包括：「北菇滑鸡饭、鳯爪排骨饭、𫠒鱼肉饼饭、咸鱼肉饼饭、煎蛋牛肉饭，梅菜扣肉饭」），而且仲有得免费加菜，你叫职员俾多D菜都可以，佢地仲好好礼貌，真系好有人情味。如果加多一个点心，都系只需加$10，大大盒非常抵食，如果再加樽仔奶茶，只需加$5，简直系完美的组合。我最钟意食佢嘅「北菇滑鸡饭」，大大件滑鸡啖啖肉，好正呀，仲有一粒好味大冬菇，每次我都会留到最后先食。而「北菇滑鸡饭」亦都系最快卖晒的一款蒸饭，第二款我最钟意食的系「𫠒鱼肉饼饭」，另一方面包类方面$15已有3大个，真系十分超值。