影片
更多
2020-05-25
1728 浏览
公司的大地震塵埃落定，我地3個倖存嘅管理層，去打番個邊爐先。呢度係公司附近，我嘅御用team gathering 地方。一路以來都好支持。依家飲食好難做，佢又推出任食邊爐，仲可以任飲，啱晒我地慢慢傾心事。4人有一隻雞、一條魚；2-3 人都只有半隻、半條，有啲可惜。湯底我地選了鴛鴦。其他湯底不能雙拼，另外鴛鴦湯底同廣告不同，其實係沙爹拼清湯。而且無得加湯只能加滾水，呢點有小小失色。沙巴龍躉夠魚味又唔鞋。走地雞多肉，不過無乜味。合格啦。海鮮拼盤份量幾夠。望落幾靚。蟶子、蝦都好新鮮。其他就一般。任點的係普通美國肥牛，好多肥膏。但係對我來講好正，因為肥瘦分明，我好輕易咁煎走肥膏食瘦肉。其他餃、丸、菜都係任點，質素一般但係一定夠飽。無限任飲啤酒汽水，都多選擇（可惜冇無糖飲料），啤酒係生力（唔係藍冰獅威）都ok 啦。最主要係任飲。自帶了「銀河鐵道」清酒。產量非常有限，所以都難得飲到。特色係要-18度冷凍，倒出來有冰花。好正。由於本身係任飲，自帶酒水都免開瓶費啦。3個麻甩佬，飲飽食醉，7點傾到10點幾。全場只有3數檯，真係難做。埋單再送 coupon。打算下星期再來過！
呢度係公司附近，我嘅御用team gathering 地方。一路以來都好支持。依家飲食好難做，佢又推出任食邊爐，仲可以任飲，啱晒我地慢慢傾心事。4人有一隻雞、一條魚；2-3 人都只有半隻、半條，有啲可惜。
湯底我地選了鴛鴦。其他湯底不能雙拼，另外鴛鴦湯底同廣告不同，其實係沙爹拼清湯。而且無得加湯只能加滾水，呢點有小小失色。
沙巴龍躉夠魚味又唔鞋。
走地雞多肉，不過無乜味。合格啦。
海鮮拼盤份量幾夠。望落幾靚。蟶子、蝦都好新鮮。其他就一般。
任點的係普通美國肥牛，好多肥膏。但係對我來講好正，因為肥瘦分明，我好輕易咁煎走肥膏食瘦肉。其他餃、丸、菜都係任點，質素一般但係一定夠飽。
無限任飲啤酒汽水，都多選擇（可惜冇無糖飲料），啤酒係生力（唔係藍冰獅威）都ok 啦。最主要係任飲。
自帶了「銀河鐵道」清酒。產量非常有限，所以都難得飲到。特色係要-18度冷凍，倒出來有冰花。好正。由於本身係任飲，自帶酒水都免開瓶費啦。
免開瓶費
17 浏览
0 赞好
0 留言
3個麻甩佬，飲飽食醉，7點傾到10點幾。全場只有3數檯，真係難做。埋單再送 coupon。打算下星期再來過！
任飲生力
7 浏览
0 赞好
0 留言
张贴
