定食8 (已結業)

平时帮衬定食8，几乎都系食佢嘅轻食餐，因为够平之余又可以比较健康地食到饱为止虽然主菜份量细，但胜在选择唔少，而且仲有任饮嘅味噌汤任添嘅白饭任夹嘅椰菜丝，无论男女老幼，都可以食得饱呢次我就拣咗一口牛丼以轻食餐当中，算系比较贵，但计埋加一，都系$40有找，咁嘅价位就有得任饮任食食到饱， 其实好抵，可以话系经济又实惠讲返主食，虽然系平价轻食餐，不过牛肉唔会太差，调味几好，而且烧得几香，咬落唔会好韧仲有配埋蛋丝+蟹柳丝，几有心思，唔会因为系特价餐就将货就价HEA交行货但我最like味噌汤咪睇佢大大煲好似平平无奇，实际上，只要用少少技巧，就可以装到好多渣而啲汤渣有豆腐、白萝卜，连三文鱼都有！次次都要饮返几碗仲有自己调配嘅沙律，椰菜丝加少少海带，淋一匙沙律汁，简单但爽口好味嘅沙律就完成啦~呢份轻食餐，其实一啲都唔轻，但份量可以自己控制，多菜少肉，营养健康滋味集于一身，附近嘅居民同打工仔，唔好错过啊！