佐賀山田 · 涮涮鍋 (已結業)

今日同朋友黎Aeon shopping, 行完search下附近有咩食,原来康怡广场有间日本火锅，一人一锅唔使争😋去到啱啱开门，已经好多人喺门口等，我哋拣咗个午市极级美国和牛套餐$239，午市放题90分钟，价钱实惠。而且呢个价钱已经可以免费追加和牛、牛肩胛肉、牛肩肉、牛舌、鸡腿肉，豚肉，仲要啲肉系有质素。出面自助吧都好吸引，冷盘竟然有我至爱既八爪鱼、螺肉同埋中华沙律，汤底我哋拣咗骨胶原美颜玫瑰花胶鸡白汤，虫草花胡椒猪肚汤。汤底黎到，有冰玫瑰花，仲放左干玫瑰花，感觉好清新，虫草花都好足料，食落去仲好香胡椒，果然无拣错，最正系食食吓，佢系加汤唔系加水，唔会食到啲味道淡晒，我地每款牛叫左一碟，三款牛味道都好浓郁，油脂亦非常平均，入口易溶，另外推介牛舌，厚度岩岩好，非常弹牙，唔会好韧，蔬菜亦好新鲜，最后甜品时间，不得不说一下迦纳朱古力雪糕，好好味，朱古力好浓，雪糕好滑，细细条好正，仲可以试多几款雪糕，真系超级满足。