千賀水產の鮮鍋道場 (已結業)

同人妻好耐冇见，梗系又要呢一个大解放， 鸡啄唔断。$268/位再加一，可以任饮任食6小时。 酒店入面呢个价钱真系唔算贵，再加上食物种类多元化， 由前菜，热荤，甜品同饮品都好多选择。 可以放纵地食，环境舒适，食物又高质，我哋两个都食得好开心。先拣一个火锅汤底 今晚拣咗黑蒜油猪骨锅，真系一大嚿猪骨，好多黑蒜油，汤底浓。汤底上咗之后就自动会上以下3样海鲜盛盒有鲍鱼，花甲 ，带子，海蚬， 象拔蚌，鲜虾及贝类等等。 每一样都超鲜甜。 睇得又食得，正。刺身拼盘有大大只的鲜虾，厚切肥美的三文鱼， 赤贝， 象拔蚌同希灵鱼都爽甜。鲜味爆登。 好开心安格斯牛小排油脂分布唔错，牛肉味浓。热荤还会有姜葱炒蟹，清蒸鱼，辣酒东风螺，炆牛腩等经典菜式。 以为咁样就会完。no~~~还会有寿司，天妇罗，炸物等， 任君选择。另外点了爽口牛柏叶，鲩鱼腩， 墨鱼滑，肥牛等，同样出色。