影片
更多
2024-10-03
408 浏览
劲劲劲满足嘅一餐！打边炉除咗汤底最紧要足料！鲍鱼、带子、大大只蚝、封门柳、象拔蚌刺身.....太多嘢食都讲唔晒，依家原来系16年老店，专做熟客街坊生意，现场气氛非常热闹，店员老板都好热情，今次食咗：🐮象拔蚌肥牛二人海鲜套餐（HK$688）锅底：生拆蟹肉海鲜套餐入面有晒咁多嘢食，好夸张！汤底方面：里面加咗新鲜嘅大虾同沙白蚬，师傅用腐皮包住不同类型嘅食材，拆咗腐皮之后，就可以夹起「腐皮瀑布」，仲有蟹柳、素翅、萝卜、鸡脚......呢个就系百搭汤底，大虾充满海鲜精华，咸鲜味香浓配咩都好食！🩷生猛象拔蚌刺身（例）象拔蚌刺身好新鲜，呈现象牙白色泽，质素拍得住我平时去日式餐厅，每片厚薄均匀口感爽脆，肉质软滑，正！🤎冰镇鲍鱼2只优质嘅贵价食材都包埋喺个餐度，冰镇鲍鱼我哋直接食，鲍鱼劲爽口，调味恰当，一啖一口好滋味，食完都会回味！🩷🐃手切封门柳「真系有成只牛喺度！」🐃上枱嘅时候都吓一跳，封门柳属于「牛横膈膜肌肉」的部位，一望到牛肉雪花分布，就知道喺优质货色， 呢款牛肉油脂唔算好多，但系肉味香浓，打边炉渌两下就食得，牛魔王一定会好钟意！海鲜🩷元贝2只🩵广岛蚝2只用料都几优质，两款都大大只，鲜味十足，特别
打边炉除咗汤底最紧要足料！鲍鱼、带子、大大只蚝、封门柳、象拔蚌刺身.....太多嘢食都讲唔晒，依家原来系16年老店，专做熟客街坊生意，现场气氛非常热闹，店员老板都好热情，今次食咗：
🐮象拔蚌肥牛二人海鲜套餐（HK$688）
锅底：生拆蟹肉海鲜
套餐入面有晒咁多嘢食，好夸张！
汤底方面：里面加咗新鲜嘅大虾同沙白蚬，师傅用腐皮包住不同类型嘅食材，拆咗腐皮之后，就可以夹起「腐皮瀑布」，仲有蟹柳、素翅、萝卜、鸡脚......呢个就系百搭汤底，大虾充满海鲜精华，咸鲜味香浓配咩都好食！
🩷生猛象拔蚌刺身（例）
象拔蚌刺身好新鲜，呈现象牙白色泽，质素拍得住我平时去日式餐厅，每片厚薄均匀口感爽脆，肉质软滑，正！
🤎冰镇鲍鱼2只
优质嘅贵价食材都包埋喺个餐度，冰镇鲍鱼我哋直接食，鲍鱼劲爽口，调味恰当，一啖一口好滋味，食完都会回味！
🩷🐃手切封门柳
「真系有成只牛喺度！」🐃
上枱嘅时候都吓一跳，封门柳属于「牛横膈膜肌肉」的部位，一望到牛肉雪花分布，就知道喺优质货色， 呢款牛肉油脂唔算好多，但系肉味香浓，打边炉渌两下就食得，牛魔王一定会好钟意！
海鲜
🩷元贝2只🩵广岛蚝2只
用料都几优质，两款都大大只，鲜味十足，特别钟意食广岛蚝，肥美胀卜卜！
🤍养颜花胶
超级大份嘅花胶，加入汤底熬至软腍腍，口感好丰富，吸收晒汤底精华超正！
🤍手打墨鱼丸4粒
入面蕴含粒粒墨鱼粒，爽口弹牙！
🥟云吞拼水饺各两粒
云吞水饺属于新鲜饺子🥟，云吞系云吞店质素，唔系冰鲜货色，食落去特别好味！
已经食到好饱，原来仲有蔬菜🥬乌冬！
✨海鲜新鲜食材优质，价钱亲民街坊价，老板劲好人热情招待，仲问我哋食唔食糖水！？
张贴
