影片
更多
2022-01-19
15 浏览
喺网上见到foodie 介绍呢间新开嘅泰国餐厅，食物同环境都唔错，所以就去试吓。电梯打开门就见到左右都摆咗唔少货物，最吸引人嘅千秋打卡位都有杂物喺附近，令我唔想行入去影相。餐厅楼底比较矮，人一多就好嘈。有6个人一齐食lunch，分开咗3张枱坐，同事们好开心咁倾计，由于D声困住晒，所以我哋可以好清楚知道佢地谈话嘅内容😅枱面上朋友嘅垫枱纸奇怪地有一边系对折咗，而且只有餐叉，无餐匙。饮汤时，我哋要问待应攞返只匙羹。其实餐厅食物质素优良，set lunch 有头盘、汤、主菜、甜品同餐茶，价钱$108，仲要有8折，每人都只系$86.5，超级抵！！头盘有泰式生虾、青木瓜沙律同埋酸辣凤爪，可惜上枱时冇生虾，只有双重份量嘅凤爪。当我们问待应时，佢话因为生虾唔新鲜，所以唔俾客人。汤系一碗卖相平平冇奇嘅冬瓜汤。一个碗入面有三粒冬瓜同清汤。意想不到嘅系一入口，原来清汤蕴含左丰富嘅鲜味！真系要讲一句：「对不起，是我肤浅了！」完全被佢平凡嘅外表呃左。主菜我哋分别叫咗红咖喱牛肋肉配泰式蒜蓉包同香叶肉碎煎蛋饭，两碟都有外表易有内涵😂。红咖喱味道香浓稠厚，牛肋肉煮得腍滑，份量颇多。可惜只配两片蒜蓉包略嫌不足，好彩香叶
电梯打开门就见到左右都摆咗唔少货物，最吸引人嘅千秋打卡位都有杂物喺附近，令我唔想行入去影相。餐厅楼底比较矮，人一多就好嘈。有6个人一齐食lunch，分开咗3张枱坐，同事们好开心咁倾计，由于D声困住晒，所以我哋可以好清楚知道佢地谈话嘅内容😅
枱面上朋友嘅垫枱纸奇怪地有一边系对折咗，而且只有餐叉，无餐匙。饮汤时，我哋要问待应攞返只匙羹。
其实餐厅食物质素优良，set lunch 有头盘、汤、主菜、甜品同餐茶，价钱$108，仲要有8折，每人都只系$86.5，超级抵！！
头盘有泰式生虾、青木瓜沙律同埋酸辣凤爪，可惜上枱时冇生虾，只有双重份量嘅凤爪。当我们问待应时，佢话因为生虾唔新鲜，所以唔俾客人。
汤系一碗卖相平平冇奇嘅冬瓜汤。一个碗入面有三粒冬瓜同清汤。意想不到嘅系一入口，原来清汤蕴含左丰富嘅鲜味！真系要讲一句：「对不起，是我肤浅了！」完全被佢平凡嘅外表呃左。
主菜我哋分别叫咗红咖喱牛肋肉配泰式蒜蓉包同香叶肉碎煎蛋饭，两碟都有外表易有内涵😂。红咖喱味道香浓稠厚，牛肋肉煮得腍滑，份量颇多。可惜只配两片蒜蓉包略嫌不足，好彩香叶肉碎煎蛋饭跟好多饭，可以捞埋啲咖喱汁😋香叶肉碎煎蛋饭味道不错，煎蛋半生熟，如果香叶再多啲更好。
甜品系拥有平凡外表嘅椰汁西米糕，内涵同时有惊喜。西米程半透明，少少烟靭，椰汁味香，仲有啲粟米粒增加口感。甜品羮系用冻柠茶𠮶个长匙羮，而且仲刻住另一间餐厅个名，有少少令人费解。
餐饮系泰式冻奶茶，味道地度，同泰式连锁店差唔多🥤
食物总括嚟讲系CP值超高，有水准！但系如果你系要求环境舒适，高级殷勤服务的话，Chang可能会对你嘅期望有落差。
张贴