旺囍車仔麵 (已結業)

最近见倒呢间车仔面新开，所以就黎左试下。一入到黎见倒呢度嘅风格都几特别，有小小怀旧，又有小小大排档嘅feel。食物嘅种类都几多，个menu仲好环保，用marker响上面画完，擦一擦就得。呢个鳯爪鱼蛋乌冬，秘制辣汁小辣。啲鳯爪剪左指甲嫁！剪得好干净。啲鱼蛋就好入味，普通辣对我黎讲就唔系好辣(平时谭仔食大辣)。叫完面先想食萝卜，就咁净叫一味都得嘅。啲萝卜好清甜，一啲筋都冇。放落啲汤渗一渗好索汤。呢碗系猪肠鱿鱼米粉，麻辣中辣我食落就觉得个辣度岩岩好，啲鱿鱼好爽口，而啲猪肠就好烟韧。呢度嘅食物上得好快，服务都好好，职员好有礼貌