阿四車仔麵 (已結業)

车仔面（卤水蛋、鸡翼、萝卜、牛腩、大肠、炸墨鱼卷）$79 豉油鸡髀 $26麻辣牛柏叶 $26炸豆腐 $22樽仔奶茶 $18今日终于出旺角，唔系喺葵广😂突然又好想食车仔面就去咗呢间阿四车仔面！店舖几干净企理👍🏻叫咗碗车仔面，牛腩同卤水蛋好入味，唔错，瑞士鸡翼仲正，一食肉同骨就分开，煮法好似以前细个妈咪整鸡翼俾我食咁，我钟意，童年回忆又返晒嚟😂萝卜煮得够淋，吸晒啲汁几正，冬天食萝卜是常识性！大肠同墨鱼卷就不过不失啦！之后到我成餐最钟意嘅炸豆腐，我真系好钟意食豆腐，佢呢只唔系有好多份痴住，豆腐应该用比较硬身嘅豆腐嚟炸，一碟有几大旧再加埋chilli sauce，正，如果有啤酒饮一定超好送酒😛炸豆腐可以叫一碟或者系车仔面嘅其中一个𩠌，如果系车仔面嘅𩠌可以问吓店员可唔可以分开上，咁就唔会淋啦！之后仲有一只劲大只嘅豉油鸡髀🍗啖啖肉又系超入味，谂起都再想食🤤麻辣牛柏叶我就觉得可以辣啲，朋友就觉得已经够辣😂最后推介大家饮埋樽仔奶茶，茶香味浓，虽然冇得话走甜，但我觉得都唔太甜，不错不错！下次一定嚟食埋其他嘢，但炸豆腐一定唔少得🤤