博派麵館 (已結業)

呢间用变形金刚做主题嘅米线店好有特色，好难得见有食肆揾模型角色做招徕，而且认真程度值得一赞，唔单止门口有只应该有两米高嘅大黄蜂系度够晒型格，仲识发光，而枱上嘅柯柏文装住辣椒油，好有新意。店内主推炸珍珠奶茶，咁梗系要试吓。估唔到真系几有惊喜，系一粒粒炸到金黄嘅炸物尔配埋炼奶，先蘸一下炼奶再入口，表皮果然炸得好香脆，个饀好烟韧而且好香奶茶味，仲有一粒粒嘅珍珠系入面，完美呈献返珍珠奶茶嘅味道同口感，唔怪得系店内推介。烧安格斯牛肉牛舌汤面标榜每天煲制，食落果然好香浓之余无味精感，个汤可以放心饮，而牛舌好肥厚而且烧得好香，好值得食。酸辣小窝红薯粉($48)，有好多𩠌系面，满到一睇就觉得物超所值，有猪肠、猪软骨、鸡翼尖等，而个汤底同样系熬制而成，所以唔会有好重味精嘅感觉，难得地酸辣汤底都可以放心饮落肚。蒜香烧金菇，金菇同蒜蓉一向都系perfect match，而呢度嘅整法系加埋炸蒜同葱，令到个香味再高一个层次、丰富。