宙串燒日式食堂 (已結業)

係青衣運動跑完步之後跟左地膽去搵食，帶左我地黎呢間隱世既日式串燒店，平時真係唔會經過呢度，更加搵唔到呢間咁高質既串燒店😍叫左好多款串燒一齊share黎食，當中最最最推介既係豬肉釀雞皮餃子，真係必食，表皮燒到脆卜卜入面就鎖住左啲肉汁；另外就係燒粟米🌽，老闆話佢地用左隻靚既牛油黎燒，聽完唔記得左，但最緊要好食😋仲有一個推介既係秋葵蝦滑，因為好少蔬菜類，所以都好推介要食呢個😋牛舌就好大塊但係一啲都唔韌，我本身麻麻地食牛舌都覺得唔錯，其他串燒正常發揮，係雞皮餃子同粟米太好食，所以唔記得咗其他既味啦🤣