銀龍咖啡茶座

营业中

休息中

行完魔鬼山 途经鲤鱼门，想揾间茶餐厅，原来全个鲤鱼门只得一家，就是这家银龙咖啡茶座 。圃进场，员工示意素描安心出行二维码，再提供酒精搓手液清洁双手，态度友善殷勤。坐低睇见餐牌选择不多 ，最瞩目嘅就系蛋白腐乳西多士，个名好特别， 要咗两份试下，再加2个芒果布丁，奶茶。西多士 做得真系好好味，外脆内软，腐乳夹心嘅味道跟多士融合得天衣无缝，上面仲加左一块牛油，配上炼奶，成件事变得好精彩，食过之后念念不忘。芒果布甸又系另一个亮点，啖啖芒果肉 又唔太甜，食完之后，再打包外卖两个回家孝敬屋企人。奶茶都好得啊，滑一滑，浓淡适中，好满意。不得不提，银龙咖啡茶座给我的印象系所有嘢都一丝不苟，餐厅地方整洁，连厕所都好干净唔会湿漉漉，枱面嘅餐具，糖罂，炼奶樽都系非常整洁，而且员工服务态度友善， 我哋落单改来改去，员工都没有怨言，这间小店真系超出晒所有茶餐厅嘅标准。